Татарстанда пассажир автобусының юл кырыена төшеп каплану сәбәбе билгеле булды [+фото]

автор, 14 сентябрь 2016 - 08:27

667

Бүген иртән 7сәгать 56 минутта Лениногорскидан 6 километр ераклыкта рейс автобусы ауган, дип язган идек. Бу хакта Россия Гадәттән тыш хәлләр министрлыгының Татарстан буенча Баш идарәсе матбугат хезмәте җитәкчесе Андрей Родыгин хәбәр итте. Автобус Әлмәт шәһәре юнәлешенә бара торган булган.

Татарстанда пассажир автобусының юл кырыена төшеп каплану сәбәбе билгеле булды [+фото]

Башлангыч мәгълүматлар буенча, автобус йөртүче юл кырыеннан әйләнеп үтәргә ниятләгән һәм вак ташта тиешле дәрәҗәдә идарә итә алмаган, шунлыктан кюветка төшеп киткән.

Һәлакәт вакытында салонда 17 кеше булган. Алар автобустан түбәсендәге авария люгы аша чыкканнар.

Бер пассажирны кабыргасы сынуда шикләнеп, Бөгелмә үзәк район сырхауханәсенә озатканнар.