Татарстанның халык язучысы Рабит Батулла 80 яшендә 88 китап чыгарган

Татарстанның халык язучысы Рабит Батулла 80 яшендә 88 китап чыгарган. Хәзерге вакытта "Ногай" кунакханәсенең Тукай клубында Рабит Батулланың ун томлыгын тәкъдим итү кичәсе бара.

Кичәдә чыгыш ясаучылар яңа басылып чыккан китапларны язучы иҗатының бик аз өлеше - "айсбергы" дип билгеләделәр.

Рабит Батулла үзенең гомере буе шәхесләр белән аралашуын әйтә, ун томлыкта нигездә документаль әсәрләр кертелгән.

Кичәдә әдәбият галимнәре Дания Заһидуллина, Фоат Галимуллин, күренекле шагыйрьләр Равил Фәйзуллин, Гәрәй Рәхим, Татарстан язучылар берлеге рәисе Данил Салихов чыгыш ясады. 

Фото: Рамиль Гали/архив

https://tatar-inform.tatar