Район яңалыклары
“Агрохимсервис” җәмгыяте һәм Россия Социаль фондының Саба районындагы бүлеге хезмәткәрләре өмәгә чыкты
Эш сәнәк-тырмага да, балтага да, бензин пычкысына да җитәрлек иде.
“Агрохимсервис” җәмгыяте һәм Россия Социаль фондының Саба районындагы бүлеге коллективлары санитария-экология икеайлыгы кысаларында Сабинка елгасы яры буендагы Саба шәһәр җирлеге башкарма комитеты карары нигезендә үзләренә беркетелгән территориядә өмә үткәрделәр. Эш сәнәк-тырмага да, балтага да, бензин пычкысына да җитәрлек иде. Бер җәй эчендә үсеп өлгергән кыргый куакларны кисәсе-чабасы, корыган үләннәрне тырмалап капчыкларга тутырасы булды. Күмәк хезмәт белән ике “КамАЗ” чүп-чар җыйналды. Бераз яңгыр да явып киткәннән соң яр буе сафланып, ямьләнеп калды.
Следите за самым важным и интересным в Telegram-каналеТатмедиа
Нет комментариев