Илмирне солдат хезмәтенә озаттылар

  Кызыл-Мишә мәдәният йорты һәм китапханә хезмәткәрләре авылның асыл егете Илмир Шәйхиевны солдатка озату кичәсен үткәрделәр. Илмир Арча педагогия көллиятенең физик тәрбия факультетын тәмамлаган, озату кичәсе көнне генә кулына Диплом алып кайткан. Булачак солдатны армия хезмәтенә озатырга якыннары, дуслары, классташлары килде. Изге теләкләрне Тимершык авыл җирлеге башлыгы Айдар Хаҗиев җиткерде, авыл имамы Дамир хәзрәт хәер-фатыйхасын әйтте. Кичә матур теләкләр һәм концерт номерлары белән үрелеп барды. Һәркем Ильмирга  яхшы гына хезмәт итеп,  туган якларына исән-сау әйләнеп кайтуын теләде.