Казанның 7нче шәһәр клиник хастаханәсендә быел йөрәк күчереп утырту операцияләрен ясый башлыйлар. Реципиентлар базасы әзер. Бу хакта «Татар-информ»га Татарстан Сәламәтлек саклау министрлыгының штаттан тыш баш кардиологы Зөлфия Ким сөйләде.
Фото: © «Татар-информ», Владимир Васильев
Булачак операцияләрнең нечкәлекләре турында хастаханәнең баш табибы Артур Делянның докладында әйтелде, ул бу көннәрдә Бәшир Рәмиев исемендәге ИТ-паркта «Йөрәк командасы» форумында чыгыш ясады.
«Йөрәк күчереп утырту - тормышны коткаручы процедура. Хәзер йөрәк трансплантацияләре санын арттыруга ихтыяҗ туды, чөнки без ковидтан соң яшь пациентларда йөрәк функцияләре кимүен ачыкладык. Алар өчен бердәнбер юл – трансплантация. Безнең белгечләр күчереп утыртырга өйрәнде. Без әзер. Операциягә мохтаҗ кешеләрнең исемлеге дә төзелде», - дип сөйләде Зөлфия Ким.
Тулырак: https://tatar-inform.tatar/news/kazannyn-7nce-xastaxanasenda-pacientlarga-iorak-kucerep-utyrta-baslayacaklar-5901944
Нет комментариев