Россия сәламәтлеге чикле кешеләрнең 4нче спартакиадасы үтте

Ярышларда Россия Федерациясенең 14 төбәге өстәл теннисы программасында катнашты. Әлбәттә, Татарстан җыелма командасының төп нигезен Саба районы спортчылары тәшкил итте. Гомумкоманда зачетында Татарстан 1 урынны алды. Команда зачетында кызлар Спартакиада җиңүчеләре, егетләр, Санкт-Петербург теннисчысын алга җибәреп, көмеш медальләр ияләре.

Яшүсмерләр арасында ялгыз разрядта да якташларыбыз алда барды: Сәйдәш Кашапов - Спартакиада җиңүчесе, Ранис Закиров - көмеш медаль иясе булдылар.

Парлы һәм катнаш разрядлар уйнатылды: ир-атлар арасында безнең Ранис Закиров һәм Сәйдәш Кашапов, хатын-кызлар парлы разрядында шулай ук Сабалар  Анастасия Ануфриева һәм Элина Шәйдуллина Спартакиада җиңүчеләре булдылар.