Сабада 2 апрель көнне авыл хуҗалыгы ярминкәләре үтәчәк
Хөрмәтле райондашлар! Сезне, 2 апрель көнне үтәчәк авыл хуҗалыгы ярминкәләренә чакырабыз!
Әлеге чаралар сәгать 8:00 район үзәге Байлар Сабасында Аргамак картодромының машиналар кую урынында, Шәмәрдән бистәсендә тимер юл вокзалы каршында узачак.
Район оешмалары һәм авыл хуҗалыгы предприятиеләре сезгә үзләре җитештергән азык-төлек, көнкүреш һәм авыл хуҗалыгы товарларын тәкъдим итәчәк.
Ярминкәләргә сату белән чыгарга теләгән оешмаларны, фермерларны, шәхси эшмәкәрләрне, шәхси ярдәмче хуҗалыкларны чакырып калабыз!
Өстәмә белешмәләр өчен 2-32-73 телефон номеры буенча мөрәҗәгать итәргә була.
Шунысын да искәртәбез, ярминкәдә районыбызда нәшер ителүче “Саба таңнары” газетасына ташламалы бәядән язылу оештырыла.
Хөрмәтле райондашлар, Сезне ярминкәләрдә көтеп калабыз!
Фото: архив/Фәнил Мәүлетов
Следите за самым важным и интересным в Telegram-каналеТатмедиа
Нет комментариев