КАРЛЫГАННЫ ОНЫТМАГЫЗ

10 л суга 1 аш кашыгы мочевина, 2 шәр аш кашыгы суперфосфат һәм калий сульфаты кушарга. Шуңа кабында күрсәтелгән дозада калий гуматы өстәргә була.

Мочевинаны үлән әчеткесенә (10 л суга 1 л), калий сульфатын көлгә (10 л суга 1 стакан) алыштырырга мөмкин.

Бу эремә зур куакны тукландырырга җитә. Ашлама тамырын яндырмасын өчен, алдан су сибегез.

Шул ук вакытта корткычлар һәм авырулардан саклау эше дә дәвам итәргә тиеш.

Карлыганның төп дошманнары: гөблә, бөре талпаны һәм ончыл чык чире. Җимешләрен җыеп бетергәч, 1 %лы бордос сыекчасы яки “Топаз”, “Прогноз” кебек фунгицидлы препарат белән эшкәртергә кирәк.

Августта куакларны суга туендырыгыз. Кызыл карлыганга — 1-2; кара карлыганга — 3-4; крыжовникка 4-5 чиләк су кирәк