Бизнес идеяләр әзер, сайла гына

Татарстанның Икътисад министрлыгы эшмәкәрләргә яңа юнәлештә эшләү өчен әзер бизнес пакетлар тәкъдим итә.

Тәкдим ителгән идеяләр арасында пыяла пластик арматура җитештерү, термоблоклар ясап чыгару, пластик стакан ясау, ел әйләнәсендә кыяр, баллы борыч үстерү, бәрәңге, кишерне сеткаларга тутыру җайланмалары булдыру, мини мунчалар, экспресс пилмән ясауны оештыру, чәй җитештерү, попкорн ясап сату кебек юнәлешләр дә бар. Әлеге бизнес пакетларны Татарстанның эшмәкәрлеккә теләктәшлек итү фондына гариза тапшырып алырга була. Эшмәкәрләр өчен бу хезмәт бушлай. Шулай да бер шарты бар - пакетны алучы, башлаган эшендә бер кешене булса да эш урынлы итәргә тиеш.

Шәһри Казан