Быел Владимир Путин белән "Туры элемтә" 4 сәгать 8 минут барды

Россия Президенты Владимир Путин белән ел саен үткәрелә торган “Туры элемтә” быел 4 сәгать 8 минут дәвам итте.

Шулай итеп, Путинның россиялеләр белән әңгәмәсе дәвамлылык буенча 2018 елдагы кебек үк булды. Узган ел турыдан-туры трансляция 4 сәгать 17 минуттан соң тәмамланган иде. Хәзерге вакытка рекордлы вакыт - 4 сәгать 47 минут (2013 ел). Ул елда 85 сорау яңгыраган булган.

“Туры элемтә” барышында Путин 81 сорауга җавап бирде. “Туры линия"нең үзенчәлеге булып Россиянең төрле төбәкләре белән дәвамлы элемтәгә керү торды, алар барышында гражданнар күтәргән мәсьәләләр яңгырап кына калмыйча, проблемалы ситуацияләр дә яктыртылды.

Узган елдагы кебек үк, Президент хөкүмәт әгъзаларына һәм хакимият органнары вәкилләренә шәрехләр сорап мөрәҗәгать итте. Аерым алганда, сорауларга Вице-премьер Алексей Гордеев һәм сәламәтлек саклау министры Вероника Скворцова җавап бирде.

"Туры элемтә" ахырында Президентка мөрәҗәгать итүчеләр саны 2 млн 600 меңнән артып киткән. Дәүләт башлыгына, шул исәптән туры эфирда, илнең 23 төбәгеннән сораулар яңгырады.

Фото: kremlin.ru

https://tatar-inform.tatar