Хуҗалыкларда тәүлегенә 117 тонна сөт савыла

Район авыл хуҗалыгы һәм азык-төлек идарәсеннән 26 февральгә алынган мәгълүматларга караганда, хуҗалыкларда тәүлегенә 117 тонна сөт савыла. Бер сыердан уртача 17,1 килограмм сөт савыла. "Мөхәммәтшин" крестьян-фермер хуҗалыгында бер сыерга савылган сөт - 25,6 килограмм. "Юлбат" һәм "Тимершык" бүлекчәсендә - 19,2-19,3 килограмм тәшкил итә. "Курсабаш", "Мичән", "Олыяз" җәмгыятьләрендә һәм "Сатыш" филиалында 18,1-18,4 килограмм. Әлеге күрсәткеч "Туган як", "Урта Саба", "Явлаштау", "Көек", "Симет" җәмгыятьләрендә район буенча уртача савымнан түбән.