Бүген социаль яклау хезмәткәрләре көне

 Социаль хезмәткәр һөнәре – иң кешелекле һәм игелекле һөнәрләрнең берсе. Сез үз хезмәтегез белән өлкән яшьтәгеләрнең гомер көзен бизисез, җылылык өләшәсез, социаль ятимнәргә, инвалидлар һәм күпбалалы гаиләләргә ярдәм күрсәтәсез. Башкалар хәсрәтенә битараф калмыйча, үз йөрәгегез аша үткәреп, аларга яшәү көче бирә белүегез өчен рәхмәт! Һөнәри бәйрәмегез белән котлап, җаваплы эшегездә зур уңышлар, ныклы сәламәтлек, тормышыгызда иминлек, гаилә бәхете телибез.