КОНТРАКТЧЫ АЗАТ
Бу көннәрдә Миңгәр авылында Сөләймановлар гаиләсендә зур шатлык. Уллары Азат, хәрби бурычын үтәп, туган ягына кайтты. Казан аэропортында аны туганнары, дуслары каршы алды. Моңа аерым игътибар бирүебезнең хикмәте шунда, сроклы солдат хезмәтендә булучылардан аермалы буларак, Азат хәрби бурычын контракт буенча үтәде. Ә андый егетләр районда бик күп түгел. Шуңа да Сөләймановлар уллары белән хаклы горурлана ала.
–2017 елда аграр көллиятне тәмамлагач, армиягә контрактник булып китәм дип йөрде,– дип сүз башлады әнисе Гөлшат ханым. – Безнең җибәрәсе килмәде инде. Ике елга бит, шуңа күрә каршы да килдек башта. Иң элек хәрби комиссариатка чакырып безнең ризалыкны сорадылар. Азат, әни-әти, риза буласыз яме, мин барыбер контрактник булып китәм, бурычымны үтим, дип безне кисәтеп куйды. Ахырчиктә улыбызның теләгенә каршы килмәдек. Авылда эшләп йөргән вакыты иде. Әни, мин китәм повестка килде дип шатланып кайтты. 2017 елның 17 ноябрендә озаттык, бик читен булды. Азат башта Свердловск өлкәсендәге Елань хәрби частенда “учебка”да булды. Аннары аларны Таҗикстанга озаттылар, Кургантүбәдәге хәрби частьта хезмәт итте. Кайтуын түземсезлек белән көтеп алдык. Кайтам дигән хәбәр булгач, бер атна Дүшәмбедән Казанга самолет очканын көттек. Бүген бик күңелле чагыбыз...
Тулырак язманы "Саба таңнары" газетасында укый аласыз
Автор фотолары
Следите за самым важным и интересным в Telegram-каналеТатмедиа
Нет комментариев