Саба муниципаль районы башлыгы Рәис Миңнехановның Сабантуй бәйрәме белән тәбрикләве

 Барлык Саба районы халкы һәм шәхсән үз исемемнән Сезне кайнар сәламлим һәм их­лас күңелдән татар хал­кы­ның милли бәйрәме – Сабантуй белән тәбрик итәм. Һәркемнең күңеленә якын һәм кадерле бу бәйрәм олы мәгъ­­нәгә ия. Сабантуй сабан тәмамлануын билгеләп үтүдән тыш, татарларның хезмәт сөючәнлеген, кунакчыллыгын һәм игенче хезмәтенә олы хөр­мә­тен дә чагылдыра. Кайда гы­на яшәсәк тә, безнең өчен сабан бәйрәменең символлары, традицияләре якын һәм кадерле. Әлеге бәйрәмне үткәрү безнең өчен зур җаваплылык һәм шул ук вакытта горурлык та. Сабан туеның истә калырлык шатлыклы мизгелләре күп булыр, аның күтәренке рухы  һәркемгә илһам бирер дип ышанам.

Без милли бәйрәмгә ел саен матур хезмәт күрсәткечләре белән киләбез. Кайсы тармакны алсак та, сөтчелекме, игенчелекме яки сәнгатьме-сәнәгатьме ул, күркәм уңышлары бар, рес­публикада алдынгы урыннарда барабыз. Милли проектлар, Рес­публика программалары то­рак  пунктларның йөзен үзгәртә.  То­рак  йортлар,  халык  һәм  аеруча  яшьләр  өчен  әһәмиятле социаль-мәдәни  объектлар,  яңа  юллар төзелә, ял итү  урыннары  булдырыла,  яңа  сәнәгать  мәйданчыклары барлыкка   килә.  Сабан  туенда  авыл  уңганнарын  тантаналы  шартларда  хөр­мәт­ләү матур традициягә әйләнде. Кыр батырларының, хезмәт алдынгыларының урыны – мәйдан түрендә. Олы хөрмәтемне һәм рәхмәтемне бар гомерләрен авыл ху­җа­лыгына багышлаган ветераннарыбызга белдерәм. Сезнең эшләрегез белән без горурланып яшибез!

Сабантуй чын мәгънәсендә халык иҗаты чагылышы булган җыр-биюле киң мәйдан, дәртле көрәш һәм мавыктыргыч уеннары белән яшен-картын, олысын-кечесен, төрле милләт һәм дин вәкилләрен үзенә җәлеп итә. Бөек Җиңүнең 80 еллыгы билгеләп үтелгән елда Сабантуе аеруча мөһим яңгыраш ала. Халык бәйрәмнәренең туган ил белән горурлану, Ватанга мә­һәббәт хисләре тәрбияләү  ягыннан әһәмияте тагын да арта. Бәйрәмнәр һәр өйгә, һәр гаи­ләгә шатлык-сөенечләр, мах­сус  хәрби операциянең   тә­мам­лануы турында хәбәрләр алып килсен. Дәртле һәм күңелле Сабантуй тормышыбызга ямь өстәсен, игелекле гамәлләргә рухландырсын.

Һәммәгезгә дә бәхет, сә­ла­мәтлек һәм иминлек телим! Барлык матур хыялларыгыз чын­га ашсын. Сабантуйның ка­батланмас рухы яхшы кәеф бүләк итсен, шатлык-сөенечләр китерсен.