“Тоннель” штрафлыны ачыклый
Өченчекөн ЮХИДИнең район бүлекчәсе инспекторлары полиция хезмәткәрләре белән берлектә Сатыш-Саба юлының 12нче километерында 16-18 сәгатьләрдә үткәргән “Тоннель” операциясе барышында, 100гә якын автомобиль туктатылып, юл хәрәкәте кагыйдәләрен үтәмәгән 10 йөртүчегә беркетмә төзелде.
Шулай ук террорга каршы чаралар максатында автомобильләрнең багажниклары тикшерелде. Нигездә укылмый торган номер билгеләре белән йөрүчеләр, иминлек каешларын эләктермәүчеләр, ОСАГО килешүе рәсмиләштермәүчеләр ачыкланды. Бер йөртүчегә штрафын вакытында түләмәгәне өчен Административ хокук бозулар турындагы кодексның 20.25нче статьясы нигезендә судта җавап тотарга туры киләчәк.
Фото: pixabay.com
Следите за самым важным и интересным в Telegram-каналеТатмедиа
Нет комментариев