Бадминтон уйнарга әзерләнегез

Чемпионатның максаты - сәламәт яшәү рәвешен пропагандалау, бадминтонны спортның Олимпия төре буларак популярлаштыру, иң оста уенчыларны ачыклау. Уеннарны үткәрү урыны - Тимершык урта мәктәбе спорт залы. Ярышларга 18 яше тулган, Саба районында яшәүче, тиешле әзерлеге һәм табиб рөхсәте белән ир-егетләр һәм хатын-кызлар кертелә. Чемпионатта катнашу өчен заявкаларны 13 декабрьгә 12 сәгатькә кадәр odms.saba@tatar.ru электрон почтасына җибәрергә кирәк. Заявкалары булмаган һәм тормышлары иминиятләштерелмәгән кешеләр ярышларга кертелми. Ярышларның төгәл графигы 13 декабрьдә үткәрелгән жирәбәдән соң билгеле булачак. Ярышлар 5 разрядта (ир-егетләр, хатын-кызлар һәм микст, ягъни ир-егетләр һәм хатын-кызланың парлашып уйнавы). Беренче-өченче урыннарны алучыларга Грамоталар һәм акчалата призлар тапшырылачак.