ОЗЫН ТОЛЫМ

"Татарстан-Яңа гасыр” телеканалы хәбәрчесе Алинә МИҢГАЛИЕВАның чәченә күпләр соклана. Балачактан ук озын чәч белән йөри икән. Әнисенең чәче дә әз генә тезенә җитмәгән. Озын, сәламәт чәчнең сере нидә икәнен үзеннән сораштык.
— Алинә, чәчегезне кискәнегез бармы? 
— Вакыт-вакыт кисәргә туры килә. Чәчем теземнән түбәнрәк, быел авырлыгын сизә башлагач, кистердем, аңарчы идәнгә кадәр иде. 
— Чәчегезне буйыйсызмы? 
— Бернинди буяу кулланмыйм. Фен, бигуди, лак та файдаланмыйм, чөнки алардан соң чәч очлары икеләнә. Шампунь белән юам, аннары кондиционер кулланам, тараганда сынмасын һәм буталмасын өчен, юеш чәчкә тиешле май сөртәм. Шулай эшләгәч, йомшарып, җиңеләеп киткән кебек тоела. 
— Кызыгызның да чәчен үстерәсе киләме? 
— Әйе, аның чәче сары төстә, хәзер озынлыгы биленнән узды. “Әкияттәге кыз Рапунцель кебек булырга телим”, — ди... 

https://vk.com/irekmaydani