Потенциаль куркыныч этләр исемлеге расланган

Дмитрий Медведев этләрнең потенциаль куркыныч токымнары исемлеге белән карар имзалады. Бу хакта ТАСС хәбәр итә.

Документ нигезендә, мондый этләрне, хайван хуҗасы карамагындагы территориядә булган очраклардан тыш, авызлыксыз һәм муенчаксыз йөртү тыела.

Исемлеккә 12 эт токымы кергән. Алар арасында акбаш, Америка бандогы, амбульдог, Бразилия бульдогы, булли кутта, отто, бэндог, бүре-эт гибридалары, волкособ, гуль дог, питбульмастиф һәм Төньяк Кавказ этләре бар.

Эчке эшләр министрлыгы этләрнең кешеләргә һөҗүм итү статистикасын күзәтеп торачак һәм исемлекне тулыландыру буенча тәкъдимнәр кертәчәк.

Фото: Салават Камалетдинов/архив

https://tatar-inform.tatar