Татфондбанк башлыгы урынбасары кулга алынды

(Казан, 10 февраль, «Татар-информ», Александр Елисеев). Әле генә Казанның Совет районы суды тикшерү үтенече буенча «Татафондбанк» идарәсе рәисе урынбасары Вадим Мерзляковны 2 апрельгә кадәр кулга алу турындагы карарны игълан итте.Үтенеч тулысынча канәгатьләндерелде.Тикшерүчеләр үтенечен судта дәүләт гаепләүчесе дә хуплады. Тикшерү Мерзляков эшне тикшерү барышында чынбарлыкны торгызуга комачауларга яки җинаять эшчәнлеген дәвам итәргә, шулай ук гадел хөкемнән качарга мөмкин дип саный. Мерзляков «ИК ''ТФБ Финанс''та аеруча зур күләмдәге мошенниклык» эше буенча шикләнелеп кулга алынган дүртенче кеше булды.

http://tatar-inform.tatar/news/2017/02/10/134826/