Җырчы Алсуның әнисе Башкортстанда Матурлык һәм сәламәтлек мәктәбе ачкан

Матурлык һәм сәламәтлек мәктәбендә медицина процедуралары һәм мәдәни программа каралган.

(Казан, 2 октябрь, "Татар-информ"). Җырчы Алсуның әнисе Разыя Сафина Башкортстанда Илеш районы Уяндык авылында Матурлык һәм сәламәтлек мәктәбе ачкан. Бу хакта "Башинформ " хәбәр итә.

Әлеге Матурлык һәм сәламәтлек мәктәбендә медицина процедуралары һәм мәдәни программа каралган. Болардан тыш, йолдызлы җырчының әнисе үзе биредә матурлык, сәламәтлек, хатын-кыз энергетикасы, күңел һәм матди байлык турында лекцияләр укырга җыена, диелгән хәбәрдә.

Мәктәптә укучылар программадан тыш гөмбә җыюда, урманда ял итеп, анда үткәрелгән дәресләрдә катнашачак.

Уяндык - Алсуның әтисе эшмәкәр Ралиф Сафинның туган авылы. Биредә Алсу даими рәвештә масштаблы музыкаль бәйрәмнәр уздыра.

http://tatar-inform.tata