Өч Нарат авылында иске электр баганаларын яңаларына алыштыралар

Саба районы Иске Икшермә авыл җирлегенең Өч Нарат авылында масштаблы инфраструктура эше — электр челтәрен комплекслы яңарту бара.

Бу эшләрнең максаты — торак пункттагы энергия белән тәэмин итү системасының ышанычлылыгын арттыру, халыкның тормыш-көнкүреш дәрәҗәсен яхшырту һәм киләчәктә көчле җил-давыллар вакытында өзеклекләр булдырмау. Искергән агач баганалар заман таләпләренә туры килми, алар тузган һәм техник куркынычсызлык ягыннан зур риск тудырган.

Хәзерге вакытта авыл урамнарында иске агач терәкләрне ныклы тимер-бетон конструкцияләргә планлы рәвештә алыштыру дәвам итә. Моннан тыш:

-Яңа баганаларга изоляцияләнгән үткәргечләр (СИП) сузыла;

-Электр тапшыру линиясенең барлык кирәк-яраклары — изоляторлар, арматура һәм яктырту приборлары да яңартыла.