Гөлинә Гыймадова автор яңалыклары

• 25 гыйнвар 2019

  "Әниеңне сагынсаң, ник кайтып хәлен белмисең?" Язучы Гәрәй Рәхим белән әңгәмә

  Язучы Гәрәй Рәхим килсә, хикмәт көт, диләр бездә. Бу чыннан да шулай. Авырып китсәң, аңардан берәр хикмәтле рецепт, чыныгу серләрен, күңел төшенке вакытта теләсә кемне селкетеп җибәрерлек сүз алып калабыз. Җырлаткан, мәзәк сөйләп, хәл беткәнче көлдергән чаклары да бар. Бүген исә әдәбият һәм милләт турында сөйләштек.

  
• 15 декабрь 2018

  Иң матур бию – татар биюе

  Бездә генә куллар да, аяк­лар да бии. Ни дисәң дә, иң матур бию – татар биюе инде... Камал театрында ул көнне шуңа охшаш фикерләрне еш ишетергә туры килде. Чөнки бу юлы халыкны театрга Татар дәүләт җыр һәм бию ансамбле җыйды. Ансамбль көчле тавышлы солистлары, халкыбыз хә­зинәсендәге иң матур җыр­лары, борынгы үрнәкләр­дән алып стильләштерелгән заманча биюләре белән истә калды. “Халкыбызның мирасы” дигән концерт сок­лан­дырды, елмайтты, елат­ты да.

  
• 14 декабрь 2018

  Туфан абый җырлаганмы?

  Күптән инде, Әлфия апа Миңнуллина “Безгә бер җыр кирәк” дигән китап бүләк иткән иде. Мин аны карап та өлгермәдем, гозерләп сорап алып китүче булды. Ниһаять, янә үземә әйләнеп кайтты. Китап тузан җыеп ятмаган, музыка мәктәбе укучылары авыл эте Акбай турындагы биш спектакльдән җырлар өйрәнеп яткан икән. Ә Туфан абый шушы биш спектакль өчен аз да түгел, күп тә түгел, 39 җыр иҗат иткән!

  
• 03 декабрь 2018

  “Үзгәреш җиле” – җиде юл чатында

  Өченче “Үзгәреш җиле” алдагыларыннан әллә ни үзгәрмәгән, әмма татар җырына сакчыл караш сизелә. Фестиваль тагын нинди үзгәрешләр алып килде?

  
• 18 ноябрь 2018

  “Миңа күпләр, ярдәм сорап, хат язды”

  Кичә Татарстанның беренче Президенты Минтимер Шәймиевнең хатыны Сәкинә Шакир кызы вафат булды. Аның белән хушлашырга бик күп халык җыелды. Сәкинә ханым чын татар хатын-кызы үрнәге булды. Җыелган халык күңел тү­рендә беренче Президент хатыны турында якты истәлек­ләрен барлады.

  
• 30 октябрь 2018

  Кая ашыктың, Шәфәгать...

  Җырчы Салават Фәтхетдинов әнә шул җыры белән гармунчысы Шәфәгать Салиховны татар дөньясына танытты. Быел җырчы тагын бер игелекле эш башкарды. Утызынчы концерт сезонында гармунчысы Шәфәгатьне катнаштырды, җырчы Гөлүзә Зыятдинованы кадерле кунак итеп чакырды. Тамашачының күпчелеге сөйкемле сөякле гармунчыны шунда соңгы тапкыр күргән икән.

  
• 26 октябрь 2018

  Җиңел бәхет эзләп җан атмыйм (әңгәмә)

  Шагыйрә Флера Гыйззәтуллинаның язмышы шушы юлларга сыя да бетә. Ул әдәбиятка дистәгә якын һөнәрне үзләштереп, терлекче булып далаларда, шахтер булып җир үзәгендә җиде кат тир түккәннән соң гына килә. Тормышның агын да, карасын да шактый күргәнгә, аның иҗаты да бик тирән. Татарда шигъри роман иҗат итүче бердәнбер шагыйрә дисәк тә, ялгыш булмас, мөгаен.

  
• 21 октябрь 2018

  Телгә театрда өйрәтеп булмый

  Безгә бик күп бурыч йөклиләр. Хәтта тел өйрәтүне дә. Ләкин бит телне гаиләдә, мәктәптә сеңдерәләр, аны театрга килеп кенә өйрәнеп булмый. Ә инде өстән куелган планны урысча спектакльләр куймыйча гына үти торган түгел. Нугай драма театры сәнгать җитәкчесе Байсолтан Джумакаев белән әңгәмә үзеннән-үзе уртак һәм авырткан мәсьәләгә килеп төртелде.

  
• 10 октябрь 2018

  “Миңа әле – 17 генә!”

  Хәмдүнә дә чыршылы булды. Габдулла Тукай исемендәге Татар дәүләт филармония бакчасына җыелган өлкән буын артистлар үзара шулай сөйләштеләр. Бакча агачларга шактый баеган. Биредә Илһам Шакиров, Әлфия Авзалова, Эмиль Җәләлетдинов, Флюра Сөләйманова, Фәрит Хатыйпов, Рабига Сибгатуллина, Рамил Курамшин, Булат Балтанов чыршылары бар һәм алар сизелерлек күтәрелгән дә инде. Һәм менә Әлфия Авзалова чыршысы янәшәсенә Хәмдүнә апа үз чыршысын утыртты. Бусы да нык булыр, диеште җырчылар. Хуҗасына охшаса, җил-яңгырга бирешмәячәк ул.

  
• 07 октябрь 2018

  Әлфинәне беләләр, Әлфияне – юк. Нигезне какшатырга ярамый (әңгәмә)

  Габдулла Тукай исемендәге Татар дәүләт филармониясе яңа сезонны нинди яңалыклар белән каршылады? Сәнгать коллективы татар телен саклауга нинди программалары белән кушыла? Бу хакта филармониянең сәнгать һәм татар музыкасы фольклор ансамбле җитәкчесе Айдар Фәйзрахманов белән сөйләштек. Ул татар җыры киләчәге турында да уйланды, яңа юнәлешләргә бәя бирде.

  
• 07 октябрь 2018

  Татар дөньясының гаме Исхакыйдамы

  Исхакыйның “Инкыйраз...”ы туган авылында тормышка ашып ята. Чистай районының Яуширмә авылына кергәндә ирексездән шундый фикергә килдек. Тукаебыз татарның юлбашчысы дип атаган әдипнең туган авылында бүген юлсызлык, сусызлык, хуҗасызлык. Ник шундый хәлдә калган Яуширмә? Ни өчен чит ил кунакларын да ерактан дәшеп торыр дигән өметләр белән торгызылган музей комплексы бүген авылга да, район өчен дә үксез бала хәлендә?

  
• 27 август 2018

  “Ул – мин эзләгән кеше”

  Омскида десантчылар казармасы ишелеп, шул казада исән калган, аякларын югалтса да, үзен югалтмаган спортчы Рөстәм Нәбиев турында Дания Нәгыйм әнә шулай ди. Көчле рухлы кеше турында әдәби әсәр язарга хыялланган яшь язучы Рөстәмнең интернет сәхифәсенә юлыккач, эзләгән героен тапканлыгын аңлый һәм тиз арада хат язып сала. Җавап ул уйлаганнан да тизрәк килеп ирешә.

  
• 24 август 2018

  Үпкә, гайбәт кайчан туа? (фикер)

  Сөйли белсәң – сүз, сөйли белмәсәң – күз булган бу. Татар эстрадасындагы хәлләрне әйтәм. Әллә нинди гайбәт оясын хәтерләтә башлады сәхнә мөнбәребез. Бер-берсе турында яман сүзләр әйтешәләр, җыр бүлешәләр. Теге яки бу җырга кагылмагыз дигән сүзләр соңгы вакытта биг­рәк еш ишетелә башлады. Хәтта ки классик җырларның да хуҗалары табылды.

  
• 17 август 2018

  Аяксыз калу – дөнья бетү түгел (әңгәмә)

  Рөстәм Нәбиев берничә ел эчендә танылган блогерга әйләнде. Аны хәтта үзебезнең Вуйчич дип тә йөртәләр. Хәрби хезмәт үткәндә казарма ишелеп, ике аягын югалткан, ләкин үзен югалтмаган егет бүген интернетта гына түгел, төрле шәһәрләрдә дә очрашулар үткәрә башлаган. “Үз мисалымда кешеләрне рухландыруыма ышангач керештем бу эшкә”, – ди ул.

  
• 10 август 2018

  Утызынчы сезонмы, утызынчы СИЗОмы?

  Татар булып яшәр өчен күп кирәкми. Салават Фәтхетдинов шулай ди. Аныңча, мәхәббәтле гаилә, иман, әлифба һәм моң –татарлыкның иң төп күрсәткечләре. Ләкин татар халкы бүген бик үк сәламәт түгел. Гамьсезлектән чирли ул. Ямьсезлеккә караганда гамьсезлек куркынычрак, гамьсез булмыйк, ди җырчы. Шулай итеп, “Күңел көзгесе” дип аталган 30 нчы сезон программасы фәлсәфәгә һәм төртмәләргә бай булды.