Иң яхшылары – Сабада

Быел февраль аеннан Татарстан Республикасы юл хәрәкәте иминлеге дәүләт инспекциясе, Мәгариф һәм фән министрлыгы, "Мәгърифәт" газетасы "Балаларның тормыш иминлеге нигезләре фәнни үзәге" дәүләт учреждениесе белән берлектә "Игътибар - балалар" профилактика акциясе кысаларында "Юллар имин булсын" дигән конкурс игълан иткән иде. Шушы көннәрдә ЮХИДИ идарәсендә әлеге конкурста җиңүчеләрне бүләкләделәр. Безнең районнан Шәмәрдәндәге "Салават күпере" балалар бакчасы тәрбиячесе Равилә Хәмзина белән Югары Симет урта мәктәбе башлангыч сыйныфлар укытучысы Дилә Гарифуллина "Иң яхшы дәрес эшкәртмәсе" номинациясендә җиңү яулап, Дипломга һәм истәлекле бүләкләргә лаек булдылар. Җиңүчеләрне ЮХИДИ идарәсе начальнигы Рифкать Миңнеханов тәбрикләде.