Саба таңнары
  • Тат Рус Лат
  • РАЙОННАН ИКЕ ЧЕМПИОН

    24-28 октябрь көннәрендә Татарстан Республикасы инвалидларының шахмат, рус һәм халыкара шашка буенча Лениногорск шәһәрендә үткәрелгән респуб­лика чемпионатларында безнең район спортчылары-

    Явлаштау авыл җирлегеннән Мулланур Мусин - шахматта, Сабадан Азат Әхмәтов халыкара шашкада чис­та җиңү белән Чемпион титулына лаек булдылар. Сабадан Хәмит Вәгыйзов - рус шашкасында, Фәния Шәмсетдинова - халыкара шашкада икенче урыннарны алдылар. Сабадан Ленина Ракова шахматта өченче урынны яулады.

    Халыкара шашкада 7 мөмкинлектән 5,5 очко җыеп, 2-3- урыннарны да безнең район вәкилләре дәгъвалады. Коэффициентлар нигезендә өстәмә исәпләүләрдән соң, хөкемдарлар карары белән, икенче урын -Хәмит Вәгыйзовка, өченче урын Мулланур Мусинга бирелде. Шәмәрдәннән Илгизәр Хәйретдинов 4нче урынны алды. Җиңүчеләргә медальләр һәм Мактау грамоталары тапшырылды. Команда зачетларында безнең район халыкара шашка чемпионатында - беренче, шахмат һәм рус шашкасында икенче урыннарга лаек булды.

    Рафаэль Мөхәммәдиев,

    район инвалидлар оешмасы рәисе.

    Нравится
    Поделиться:
    Реклама
    Комментарии (0)
    Осталось символов: