Саба таңнары

Татарстанда студентлар клубларының Милли Лигасы слеты башланды

Татарстан башкаласына 700 катнашучы, 200 волонтер һәм 100 оештыручы һәм эксперт килде, шулай ук онлайн 1500 кеше катнаша.

21 сентябрьдә Казанда студентлар клубларының Милли Лигасы слеты ачылды.

Бөтенроссия студентлар форумы кысаларында НЛСК слеты уза. Ул бөтен Россиядән 50 меңнән артык катнашучыны – Россия мәгариф учреждениеләре студентларын, студентлар клублары әгъзаларын һәм җитәкчеләрен, илебез территориясендә гамәлгә ашырыла торган социаль проектлар авторларын берләштерде. Форум «Мәгариф» милли проекты кысаларында үткәрелә.

Слет ачылышы белән барлык катнашучыларны, оештыручыларны һәм кунакларны «Ресурс яшьләр үзәге» Федераль дәүләт автоном учреждениесе директоры Алексей Любцов котлады. Ул РФ Президенты Владимир Путинның Котлау хатын укыды. Юлламада билгеләп үтелгәнчә, Россия үз алдына иң җитди максатлар куя һәм уңышка ирешә торган инициативалы яшьләр белән дан тота.

«Бүген сезнең сәләтегез һәм яңа карашыгыз, амбициоз һәм иҗади энергиягез шәһәрләр, төбәкләр, бөтен Россия үсеше бурычларын хәл итүдә кирәк. Шуңа күрә без перспективалы проектларны һәм инициативаларны тормышка ашыру өчен киң мөмкинлекләр тудырабыз. Бөтенроссия студентлар форумын уздыру-бу зур, күпкырлы эшчәнлекнең бер өлеше», - диелә хатта.

Җыелганнарны Татарстан Республикасының яшьләр эшләре буенча министры Тимур Сөләйманов та сәламләде:

"Без бу форумның хәзер пропискасы бар дип өметләнәбез — ул Казанныкы. Безгә бөтен илдән катнашучылар килде — быел ул Россиянең 80 төбәгеннән мең кеше. Аларның күбесе Татарстанда беренче тапкыр. Безнең өчен бу форум-бөтен илдән талантлы инициативалы студентларны Татарстан һәм Казан белән таныштыру, аларның иҗади һәм профессиональ үсеше өчен  мөмкинлекләр белән таныштыру мөмкинлеге дә", - дип ассызыклады Татарстан Яшьләр эшләре буенча министры Тимур Сөләйманов.

Чара студентлар берләшмәләренең үзара хезмәттәшлеге һәм үсеше экосистемасын булдыру максаты белән үткәрелә. Белем бирү программасы формаль булмаган студентлар берләшмәләре үсешендә актив яшьләрнең өлешен арттыруга, студентларны төбәкнең яшьләр сәясәте проектларына һәм программаларына җәлеп итүне арттыруга юнәлдерелгән.

НЛСК слетында «Студентлар инициативасы», «Социаль лифтларны үстерү», «Иҗади яшьләр инициативалары», «Патриотик тәрбия», «Спорт, сәламәт яшәү рәвеше, туризм», «Яшьләр арасында тискәре күренешләрне профилактикалау һәм милләтара хезмәттәшлек», «Гаилә кыйммәтләрен ныгыту» номинацияләре буенча яшьләр инициативаларының грант конкурсы узачак.

Слет 27 сентябрьгә кадәр уза.

Оештыручылар- РФ Мәгариф һәм фән министрлыгы, «Ресурс яшьләр үзәге» Федераль дәүләт автоном учреждениесе, студентлар Координация советы, «Белем»Россия җәмгыяте ярдәме белән яшьләр эшләре буенча Федераль агентлык, ТР Яшьләр эшләре министрлыгы.

Чыганак: Татарстан Республикасы Яшьләр эшләре министрлыгы

 

Без социаль челтәрләрдә: Инстаграм, ТикТок, ЮтубВКонтакте, ОдноклассникиТелеграм, Фейсбук, Твиттер, Яндекс.Дзен

 

 

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: