Хайваннарның сәламәтлеген тәэмин итү, шулай ук аларның иминлеген нәтиҗәлерәк контрольдә тоту максатларында кануннарга мөһим үзгәрешләр кертелде.
ТР Премьер-министры Алексей Песошин кул куйган 2024 елның 26 декабрендәге 1214 номерлы карар нигезендә, 2025 елның 1 гыйнварыннан өч айлык этләре булган Татарстанда яшәүчеләрнең барысы да хайваннарын мәҗбүри теркәргә тиеш. Көчекләрне чиплау туганнан соң 3 ай эчендә башкарыла. Яңа эт алган булсагыз, аны 30 көн эчендә чипларга кирәк. Котыруга каршы вакцинация үткәрү -мәҗбүри. Бу сезнең хайваннарыгызны һәм әйләнә-тирәдәгеләрне үлемгә китерүче авырудан саклау өчен мөһим процедура. Шуны аңлау мөһим: бу таләпләрне үтәмәүче җинаять җаваплылыгына тартылырга мөмкин. Бу яңа кагыйдәләрнең җитдилеген һәм аларны тайпылышсыз үтәү кирәклеген ассызыклый. Без барлык эт хуҗаларын бу үзгәрешләргә җаваплы карарга чакырабыз. Вакытында чиплау һәм вакцинация-ул закон таләбе генә түгел, ә сезнең дүрт аяклы дустыгызның сәламәтлеге һәм иминлеге турында кайгырту да.
Бүгенге көндә Саба районында гомуми саннан 1004 эт чиплау ярдәмендә идентификацияләнгән. Бу һәр хайванның төгәл исәбен алып барырга, аның медицина тарихын күзәтергә һәм кирәк булганда оператив җавап бирергә мөмкинлек бирә. Куркыныч авыруларга каршы вакцинация популяция сәламәтлеген саклауның мөһим аспекты булып тора. Бүгенге көндә 1122 баш эт котыруга каршы прививка ясаткан. Бу күрсәткеч хайваннарның әлеге үлемгә китерүче авырудан югары дәрәҗәдә саклануын күрсәтә, шулай ук аның кешеләр арасында таралу куркынычын киметә. Бу кайбер этләргә кабат прививка ясатулары турында сөйли, бу хайваннарда озак вакыт дәвамында тотрыклы иммунитетны сакларга мөмкинлек бирә. Чипланган һәм вакцинацияләнгән хайваннарның процентын арттыру буенча алга таба да эш алып барыла.
Котыру авыруына каршы вакцинацияләү һәм чиплаштыру өчен Саба районы дәүләт ветеринария берләшмәсенә мөрәҗәгать итәргә мөмкин: Б.Сабасы, М.Җәлил урамы, 2 йорт, белешмәләр өчен телефон: 2-30-93.
Нет комментариев