«Ак Барс» командасыннан ике хоккейчы китте

Казанның «Ак Барс» командасы һөҗүмчеләр Степан Санников һәм Владимир Галузин белән контрактларны өзде. Бу хакта хоккей клубының рәсми сайтында хәбәр ителә.

«Клуб хоккейчыларга уен өчен рәхмәт белдерә һәм аларга алдагы карьераларында уңышлар тели», — дип саубуллашты клуб матбугат хезмәте уенчылар белән.

Ике һөҗүмче дә командага узган сезон барышында килде. Санников «Ак Барс»та 17 матч уздырды һәм очколар җыймады, Галузин 13 уенда катнашты һәм ике алка кертте. 

Фото: «Ак Барс» командасы матбугат хезмәте

Чыганак: tatar-inform.tatar