Орденнары кайтты туган ягына

автор, 25 ноябрь 2011 - 10:53

765

Алан-Елга авылында туган, 1941 елда фронтка алынган Кәрим Галимуллин сугышта күрсәткән батырлыклары өчен "Кызыл Йолдыз" һәм "II дәрәҗә Ватан сугышы" орденнары белән бүләкләнә.

Әмма әлеге бүләкләр 66 елдан соң гына каһарман якташыбызның туган якларына әйләнеп кайтты. Аларны өченчекөн Шекше мәдәният йортында Кәрим Галимуллинның кызы Нурия апа Әхәтовага авылдашлары алдында зурлап тапшырдылар. Дулкынландыргыч вакыйгада Саба муниципаль районы башкарма комитеты җитәкчесенең беренче урынбасары Таһир Шәрәфиев, Татарстан хәрби комиссариатының Саба һәм Теләче районы бүлеге бүлекчә начальнигы Фәнис Закиров катнашты. (Язманың тулы вариантын "Саба таңнары" газетыннан укый аласыз).