Автомобильләрне – фигуралы, имтиханны ялгышсыз, медицинада – Абүгалисина

«Бердәм иминлек  көне»ндә, 17 сентябрьдә  Сабада "Автосессия - 2025" республика конкурсының район этабы үткәрелде. Конкурста Саба аграр көллияте студентлары катнашты. Конкурс өч этаптан торды:  автомобильне фигуралы йөртү;  юл хәрәкәте куркынычсызлыгы кагыйдәләрен һәм нигезләрен белүне тикшерү;  беренче ярдәм күрсәтү. Конкурс йомгаклары буенча Аяз Хисамов – I, – Ислам  Садыйков–II,  Айбулат Әкбәров III  урынны алдыю  Җиңүчеләргә грамоталар һәм призлар тапшырылды. Алар октябрь башында Казанда  конкурсның республика этабында катнашачаклар.